10 Youtube არხი მოტივაციისა და განვითარებისთვის
ზოგჯერ, თვითგანვითარებისთვის მხოლოდ საკუთარ თავზე მუშაობა საკმარისი არაა. ინსპირაცია გვჭირდება. ამიტომ მოვიზღვავებთ ხოლმე, ფილმებს, წიგნებს და მათ პერსონაჟებთან თუ ავტორებთან თავის გაიგივებას, მათგან სწავლას ვცდილობთ. სინამდვილეში, შთაგონების წყაროდ უბრალო საუბრებიც შეიძლება იქცეს. ამ ბლოგში გაგიზიარებ 10 იუთუბ არხს, სადაც შენთვის ნაცნობი თუ უცნობი ადამიანები თავიანთ ან სხვების ისტორიებს მოგიყვებიან და მერწმუნე, ეს ისტორიები შენს აზროვნებას ახალ ტალღაზე გადაიყვანს.
1. TEDx Talks
TED საუბრები მოიცავს თითქმის ყველაფერს – სოციალური ცვლილებიდან სოციალურ მედიამდე. აქ იპოვი მრავალფეროვან, შთამბეჭდავ ვიდეოებს, სპიკერების გამორჩეული თხრობის სტილითა და იმედისმომცემი ისტორიებით. მთხრობელების იუმორითა და ემოციით გაჯერებული ისტორიები უსათუოდ დაგაფიქრებს საკუთარ თავზე და უკეთესობისკენ შეცვლის რეალური ნაბიჯების დასახვაში დაგეხმარება.
2. Be Inspired
ამ არხის სათაური ყველაფერს ამბობს. აქ არის მთელი რიგი ინსპირაციული საუბრებისა, რომლებიც მიზნად ისახავს შენს მოტივირებას. პირველ რიგში, ამ ვიდეოებს გადახედე: Never Lazy Again, Start Your Day Right და Winner's Mindset.
3. School of Life
სკოლის დამთავრების შემდეგ, განათლება არ უნდა შევწყვიტო. ეს YouTube არხი ეძღვნება უწყვეტ გაკვეთილებს ცხოვრების ყველა ეტაპზე. ურთიერთობები, სოციალური ფილოსოფია, თვითდახმარება – აქ ყველაფერია, რაშიც განვითარება მოიაზრება.
4. Big Think
თანამედროვე მოაზროვნეების იდეების მოსმენაზე რას იტყოდი? ისეთი ექსპერტები, როგორებიც არიან: მაიკლ პეტი, ბილ ნაი და ნილ დე გრას ტაისონი გაგანდობენ იდეებს, რომლებიც შენს გონებას ახალ რელსზე გადაიყვანს.
5. Team Fearless
აქ ნახავ სამწუთიან ვიდეოებს, რომლებიც დაგაფიქრებს და მოძრაობისკენ გიბიძგებს.
6. Matt D'Avella
მეტ დ'აველა არის მინიმალისტური კინორეჟისორი. მისი YouTube არხი სავსეა ვიდეოებით, რომლებიც დაგეხმარება გააკონტროლო და გააუმჯობესო ცხოვრება. როგორც კინორეჟისორისგან მოსალოდნელია, თითოეული ვიდეო დახვეწილად გადაღებული და დამუშავებულია, რაც მის ყურებას სასიამოვნოს ხდის.
7. Improvement Pill
Improvement Pill გიზიარებს ანიმაციურ გაკვეთილებს, რომლებიც დაგეხმარება გააუმჯობესო ცხოვრება სხვადასხვა გზით. იმუშავე დამოკიდებულებებისგან გათავისუფლებაზე, შიშის დაძლევაზე და საკუთარი თავის მოტივაციაზე. ეს ვიდეოები 10 წუთზე ნაკლები ხანგრძლივობისაა.
8. Thomas Frank
ერთ დროს, ამ YouTube არხს CollegeInfoGeek ერქვა. ახლა უკვე რებრენდირებულია. აქაც, თვითდახმარებისთვის მრავალგვარი რეცეპტები გელოდება. სხვა საკითხებთან ერთად, ფრენკი გასწავლის სწავლის ტექნიკას, ჩვევების შეფასებისა და პროდუქტიულობის წესებს. მის YouTube ვიდეოებში ყველაფერია, რაც პოზიტიური ცვლილებებისთვის გჭირდება.
9. Motivation Madness
Motivation Madness გაინტერესებთ, რატომ აღწევს წარმატებას მხოლოდ 1%? რაშია მათი საიდუმლო? ამაზე ვინ ისაუბრებს საუკეთესოდ, თუ არა თავად ეს წარმატებული ადამიანები… ისინი გასწავლიან, როგორ იაზროვნო სწორად შინაგანი ბედნიერებისთვის. ამ ვიდეოების ნაწილი არის გამოსაშვებ საღამოებზე წარმოთქმული სიტყვა, თუმცა ეს მაინც საინტერესო გაკვეთილებია, ცხოვრების ნებისმიერ ეტაპზე.
10. flowmaster.online / ფლომასტერი
ფაქტობრივად, ესაა ერთადერთი ქართული იუთუბ არხი, რომელიც მაყურებლის პროფესიული განვითარებისკენაა მიმართული. მართალია, ტრენერ ალექსანდრე ჯეჯელავას ვიდეოების მთავარი თემა მენეჯერების პროდუქტიულობის ზრდაა, თუმცა რჩევები, რომლებსაც ის გვიზიარებს, ნებისმიერ ადამიანს დიდ სამსახურს გაუწევს, როგორც კარიერულ, ისე პირად ურთიერთობებში.