ნეირომარკეტინგის 7 მაგალითი: რა გავლენას ახდენს მომხმარებლის ქცევის ანალიზი გაყიდვების ზრდაზე

ნეირომარკეტინგი გულისხმობს მომხმარებლის ქცევებსა და ემოციებზე დაკვირვებას მარკეტინგული გაყიდვების გაუმჯობესების მიზნით. 

ეს სფერო დიდ გავლენას ახდენს მარკეტინგის სამყაროზე. თუმცა, რიგითი მომხმარებლების უმეტესობამ არ იცის, რა არის და როგორ მოქმედებს ნეირომარკეტინგი, ამიტომ, დემონსტრაციისათვის გადავწყვიტეთ განვიხილოთ 7 საინტერესო მაგალითი.

1. მზერის მნიშვნელობა

რეკლამაში ადამიანების გამოჩენა, ზრდის იმის ალბათობას, რომ იგი ეფექტური აღმოჩნდეს. როგორც კვლევებით დადგინდა, ვიდეოები და ფოტოები სადაც ახალშობილი ბავშვები ჩანან, კიდევ უფრო დიდხანს იპყრობენ პოტენციური მომხმარებლის ყურადღებას. 

კვლევამ აჩვენა, რომ როდესაც ბავშვის მზერა ეკრანისკენაა მიმართული, მაყურებელი უფრო მეტად კონცენტრირდება მის სახეზე და არა რეკლამის კონტენტზე. თუმცა, თუ ბავშვი მზერას მიმართავს პროდუქტის ან ტექსტისკენ, მაშინ მაყურებელიც სარეკლამო შინაარსზე გაამახვილებს ყურადღებას. 

2. ეფექტური შეფუთვა

ნეიროვიზუალიზაციამ შეფუთვის მნიშვნელობა ახალ დონეზე აიყვანა. ისეთმა ბრენდებმა, როგორიცაა Campbell და Frito-Lay,მომხმარებლებს წარუდგინეს სხვადასხვანაირი შეფუთვა და გამოკითხეს ფერების, ტექსტისა და სურათების მიხედვით, მათი პასუხები კი აღინიშნა როგორც პოზიტიური, ნეგატიური და ნეიტრალური.

აღმოჩნდა, რომ მომხმარებელს ნეგატიური დამოკიდებულება აქვს ზედმეტად კაშკაშა შეფუთვის მიმართ, შედარებით მქრქალ შეფუთვას კი ნეგატიური შეფასება არ მოჰყოლია. 

3. ფერები

კვლევები განუწყვეტლივ აჩვენებს ფერებსა და ემოციებს შორის კავშირს. ფერების სწორი გამოყენებით ეფექტური მარკეტინგული ხელსაწყოს შექმნაა შესაძლებელი. ნეირომარკეტინგის ექსპერტები ფერებს სხვადასხვა მნიშვნელობებით აჯგუფებენ, რათა ეფექტურად შეძლონ მათი გამოყენება.

4. რეკლამის ეფექტურობა

ნეირომარკეტინგი იყენებს ფუნქციონალური მაგნიტურ-რეზონანსული გამოსახულების (fMRI) წარმოუდგენელ პოტენციალს მომხმარებელთა ქცევისა და ჩვევების გასაცნობად.

ერთ-ერთ კვლევაში მონაწილეებს წარუდგინეს სატელეფონო ცხელი ხაზის სამი სხვადასხვა რეკლამა. სარეკლამო კამპანიამ, რომელმაც ტვინის კონკრეტულ რეგიონში ყველაზე მაღალი აქტივობა გამოიწვია, საგრძნობლად გაზარდა ცხელ ხაზზე შემოსული ზარების რაოდენობა. 

ამ ახალი მიდგომით, მარტივი იქნება იმ სარეკლამო კამპანიების იდენტიფიცირება, რომლებიც ნამდვილად მოახდენენ ადამიანებზე ზეგავლენას. 

5. არჩევანის სირთულე

კოლუმბიის უნივერსიტეტის კვლევამ აჩვენა, რომ არჩევანის რაოდენობის ზრდა პოტენციურ მომხმარებელს აბნევს. სხვადასხვა ტიპის კონფიგურაციის გამოყენებით აღმოაჩინეს, რომ ვარიანტების ფართო სპექტრი გადაწყვეტილების მიღების პროცესს ართულებს, შესაბამისად ასეთ დროს მომხმარებლებს ინტერესი მალე ეკარგებათ.

6. რეაგირების შეფასება

ემოციური რეაგირების ანალიზი (ERA), იყენებს ელექტრო ენცეფალოგრაფიას (EEG) იმის დასადგენად, თუ რა რეაგირება აქვს ინდივიდს პროდუქტზე ან რეკლამაზე. რეკლამის განმთავსებლისთვის პროდუქტთან მიმართებაში ჩვენი ჩართულობის და ემოციური აღგზნების დონე ფასდაუდებელია. თუკი მომხმარებელი პროდუქტის საპასუხოდ იმედგაცრუებას გრძნობს, მაშინ აშკარად არსებობს პრობლემა პროდუქტთან დაკავშირებით, რომელიც რაც შეიძლება მალე უნდა მოგვარდეს. 

7. დანაკარგით უკმაყოფილება

ნეირომარკეტინგის ერთ-ერთი საინტერესო აღმოჩენაა, რომ ადამიანებს არ მოსწონთ რამის დაკარგვის ან გამოტოვების იდეა. ამის გამო, “მოასწარი ყიდვა, სანამ ხელმისაწვდომია” სტრატეგიები ძალიან ეფექტურია. 

ადამიანებისთვის ერთნაირად მნიშვნელოვანია მონაპოვარიც და დანაკარგიც, ამიტომ როდესაც არჩევანი დგას მოპოვებასა და ზარალს შორის, მომხმარებლების უმეტესობა რა თქმა უნდა მოპოვებას ირჩევს. ამ ტექნიკას ნეირომარკეტინგში დიდი მნიშვნელობა აქვს.

ნეირომარკეტინგის კურსზე რეგისტრაცია მიმდინარეობს აქ

წაიკითხე ასევე:

რა არის ნეირომარკეტინგი და რატომ არის სასიცოცხლოდ მნიშვნელოვანი თანამედროვე მარკეტერებისთვის