არტ დაირექშენის კურსი - Art Direction

არტ დაირექშენის კურსის მიზანი

არტ დაირექშენის კურსის მიზანია სტუდენტებმა დაინახონ მეტი შესაძლებობები დიზაინის პროცესში, აიმაღლონ კრეატიული ფიქრის უნარი და უფრო ნათლად და ორგანიზებულად შეძლონ გაუძღვნენ სხვადასხვა სირთულის დიზაინ პროცესებს, როგორც მარტო, ასევე,  გუნდთან მუშაობის დროს. 

სასწავლო კურსის შედეგები

არტ დაირექშენის კურსის მსმენელები შეძლებენ: 

• არტ დირექტორის როლის, პასუხისმგებლობებისა და სამუშაო პროცესის გაგებას რეალურ ქეისებზე დაყრდნობით;
• დიზაინის პროცესზე მუშაობას ბრიფიდან საბოლოო შედეგამდე;
• ბრიფის ანალიზს, კვლევის ჩატარებასა და ინსპირაციის სწორად მოძიებას;
• იდეის ჩამოყალიბებას სხვადასხვა კონცეპტუალური ტექნიკის გამოყენებით;
• მუდბორდის შექმნასა და კონცეფციის ვიზუალურად გადმოცემას;
• ბრენდის ხასიათისა და განწყობის ვიზუალურ სისტემად გადაქცევას;
• ლოგოს მიმართულების შერჩევასა და ლოგოს დამუშავებას კონცეფციის შესაბამისად;
• სრული ვიზუალური იდენტობის ჩამოყალიბებას (ფერები, ტიპოგრაფია, გრაფიკული ელემენტები);
• ბრენდის ვიზუალურ ადაპტაციას სხვადასხვა პლატფორმასა და არხზე (ციფრული, კამპანია, UI/UX, შეფუთვა და სხვ.);
• დიზაინ გუნდისთვის ბრიფის სწორად შედგენას;
• გუნდთან მუშაობას, ფიდბექის მიცემასა და მიღებას;
• რეალურ ფოტომასალაზე მუშაობას, მოქაფების მომზადებასა და პროდუქტის ვიზუალურად შექმნას;
• ბრენდის ვიზუალური გაიდლაინებისა და ბრენდბუქის შექმნას;
• საბოლოო ბრენდ დოკუმენტის მომზადებასა და პრეზენტაციას;
• საკუთარი ნამუშევრის პროფესიულად წარდგენას და არგუმენტირებულ პრეზენტაციას.

სასწავლო კურსის მოთხოვნები:

• სტუდენტს აუცილებლად უნდა ჰქონდეს სამუშაო გამოცდილება გრაფიკული დიზაინის მიმართულებით;
• კარგად უნდა ფლობდეს  გრაფიკულ პროგრამებს (Adobe Photoshop, Adobe Illustrator), რათა შეძლოს სხვადასხვა სირთულის პრაქტიკული დავალებების კარგად შესრულება;
• ინგლისური ენის საბაზისო ცოდნა, რათა მარტივად გაერკვეს ინდუსტრიაში არსებულ ტერმინოლოგიაში.