პროდუქტის მარკეტინგი: სტრატეგია, ანალიზი და პრაქტიკა

კურსში შეიტყობ, რომ პროდუქტის მარკეტინგი არის სახელმძღვანელო, რომელიც ეხმარება პროდუქტს იპოვოს სწორი გზა მომხმარებლებისკენ. ეს გულისხმობს მნიშვნელოვანი გადაწყვეტილებების მიღებას იმის შესახებ, თუ როგორ უნდა ვისაუბროთ პროდუქტზე, როგორ გავყიდოთ ეფექტურად და დავწრმუნდეთ, რომ არსებულ და პოტენციურ მომხმარებელს კარგად ესმის მისი ღირებულება.

მარკეტინგის და ბიზნესის გამოცდილება, ანალიტიკური და ტექნიკური უნარები უზრუნველყოფს პროდუქტის მარკეტინგის ჰოლისტიკურ მიდგომას. ეს კი საშუალებას აძლევს პროდუქტის მარკეტერს, კომპლექსურად მართოს ნებისმიერი სირთულის პროექტი, მიიღოს მონაცემებზე დაყრდნობილი გადაწყვეტილებები და აწარმოოს ეფექტური კომუნიკაცია, რაც ხელს შეუწყობს პროდუქტის გაყიდვასა და ცნობადობის გაზრდას არსებულ ბაზარზე.

რას ვისწავლი?

კურსის მსმენელები ისწავლიან:

• ბაზრის მიმოხილვას;
• სტრატეგიული გადაწყვეტილების მიღებას;
• მონაცემთა ანალიზს – რატომაა ეს ასეთი მნიშვნელოვანი?
• ეფექტურ კომუნიკაციას;
• ტექნოლოგიებთან ადაპტაციას;
• პრობლემის გადაჭრას;
• ჯვარედინ ფუნქციურ თანამშრომლობას (ბიზნესი + ტექი + მარკეტინგი).

რა მოთხოვნებს უნდა ვაკმაყოფილებდე?

• სტუდენტი უნდა ფლობდეს ინგლისურ ენას იმ დონეზე, რომ შეძლოს ინგლისურენოვანი მასალის წაკითხვა და გარჩევა.

ლექტორის შესახებ

• სალი დადიანი არის მარკეტინგისა და ბრენდის გამოცდილების ლიდი Caucasus Auto Import-ში; 
• მანამდე იყო თიბისის ციფრული ბანკინგის (მობაილ/ინტერნეტ ბანკი/ციფრული პროდუქტები) მარკეტინგის მიმართულების ლიდი; 
• მას აქვს პროდუქტის მარკეტინგში 10+ წელზე მეტი გამოცდილება; 
• მისი გამოცდილება, პროდუქტის მარკეტერების ლიდის პოზიციაზე, მოიცავს ციფრული პროდუქტების ყველა სეგმენტის (მას რითეილი, კონცეპტი, ბიზნეს კლიენტები) ციფრული პროდუქტების ზრდის სტიმულირებასა და 360 გრადუსიანი მასშტაბის მქონე კამპანიების მართვას; 
• უმუშავია ციფრული პროდუქტების მიმართულებით სტაჟიორების და პროდუქტის მენეჯერების მენტორის პოზიციაზე; 
• სალი არის 40-ზე მეტი დამოუკიდებელი (ფრილანს) პროექტის ხელმძღვანელი - ბრენდინგის, სტრატეგიის და ციფრული მარკეტინგის მიმართულებით; 
• არის TBC Game-ის, პირველი ციფრული საბანკო თამაშის შექმნის იდეის ავტორი;
• TOUCH Platform-ის მოწვეული სპიკერი; 
• საქართველოში პირველი სამაგიდო თამაშების კლუბის “Tsibakha Game Club”-ის თანადამფუძნებელი; 
• ექაუნთის მენეჯერის პოზიციაზე უმუშავია საერთაშორისო კრეატიულ სააგენტოში “Saatchi & Saatchi Tbilisi” ისეთ კლიენტებთან, როგორებიცაა Nestle, Bosch, Leibniz, Lowenbrau და სხვა; 
• ის არის ბიზნეს ადმინისტრაციის მაგისტრი (MBA).

სტუდენტის კარიერის პროგრამა

Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ. კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს. კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.

როგორ ვეხმარებით სმარტ აკადემიის სტუდენტებს?

კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს.  მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა. ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას. ჩვენი კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.