ზოგადი მენეჯმენტისა და გაყიდვების მართვის კურსი სტუდენტებს სთავაზობს სრულყოფილ ცოდნას მენეჯმენტის ყველა ასპექტის შესახებ. კურსი გამდიდრებულია პრაქტიკული დავალებებით, რეალური მაგალითებითა და მასალებით. კურსის მიმდინარეობისას სტუდენტებს ექნებათ ჯგუფებში კოლაბორაციისა და ბრეინშტორმინგის შესაძლებლობა, რათა გაუმკლავდნენ სხვადასხვა გამოწვევებს.

კურსის შედეგები:

კურსის მსმენელები ისწავლიან:

• მენეჯმენტის საფუძვლებსა და ძირითად ფუნქცია-მოვალეობებს;
• პრობლემის იდენტიფიცირებასა და გამომწვევი მიზეზების დადგენას;
• ფასწარმოქმნის მეთოდებს;
• მოტივაციის საფუძვლებს;
• ორგანიზაციული ცვლილების საფუძვლებსა და წინააღმდეგობის მართვის ტექნიკებს.

კურსის მსმენელები შეძლებენ:

• მიზნების სწორად დასახვასა და მათ კონტროლს;
• ROI, ROA, ROE, IRR, BEP და ა.შ. გამოთვლას;
• ფინანსური უწყისების გარჩევას;
• როგორც შიდა, ისე გარე გარემოს ანალიზის გაკეთებას;
• გადაწყვეტილების მიღების პროცესის მართვას;
• სწორი უკუკავშირის მიცემას;
• გაყიდვების სწორად დაგეგმვასა და მართვას.

ლექტორის შესახებ:

• დავით ჭიაბერაშვილი არის სატელეკომუნიკაციო კომპანიის „სქაიტელის“ კომერციული დეპარტამენტის დირექტორი;
• 2023 წელს იკავებდა საოპერაციო დირექტორის პოზიციას Extra.ge-ში;
• 2018-2023 წლებში მუშაობდა Microsoft-ში ისეთ პოზიციებზე, როგორებიცაა:

           o MW SSP | Country Representative

           o MW Solution Specialist Education

           o BDM (Business Development Manager) Education

• დავითს აქვს გაყიდვების, ბიზნესის მართვისა და სატელეკომუნიკაციო ბიზნესში მუშაობის 15 წლიანი გამოცდილება, მათ შორის კავკასუს ონლაინსა და ჯეოსელში;
• დავითი არის მოწვეული ლექტორი კავკასიის უნივერსიტეტში.

სტუდენტის კარიერის პროგრამა

Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ. კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს. კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.

როგორ ვეხმარებით სმარტ აკადემიის სტუდენტებს?

კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს.  მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა. ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას. ჩვენი კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.