კრიზისული კომუნიკაციების მართვის სასერტიფიკატო კურსი აერთიანებს სამ მოდულს, რომლის ცალკეული ნაწილი ეძღვნება კომუნიკაციას წინაკრიზისულ, კრიზისულ და პოსტ-კრიზისულ პერიოდს. კურსის მიზანია  მონაწილეები გაეცნონ კრიზისის მართვის ფუნდამენტურ და თანამედროვე თეორიებს, სტრატეგიებს, ტაქტიკებსა და პრაქტიკული სავარჯიშოების შესრულების მეშვეობით გამოიმუშაონ ნებისმიერი ტიპის ორგანიზაციაში კრიზისის მართვის პრაქტიკული უნარები. კურსის გავლის შემდეგ მონაწილე განავითარებს კრიზისის პრევენციის, კრიზისზე რეაგირების და პოსტ-კრიზისულ სიტუაციებში იმიჯის და რეპუტაციის აღდგენის მიზნით განსახორციელებელი აქტივობების შემუშავების თეორიულ ცოდნას და მართვის პრაქტიკულ უნარებს და შეძლებს ეფექტურად მართოს კრიზისული კომუნიკაციები დაინტერესებულ მხარეებთან.

სასწავლო კურსის შედეგები

კრიზისული კომუნიკაციების მართვის პრაქტიკული კურსის მსმენელებს ეცოდინებათ და შეძლებენ:

• ეცოდინებათ კრიზისის ტიპოლოგია;
• ეცოდინებათ კრიზისების პრევენციისა და მართვის თეორიული მოდელები;
• ეცოდინებათ და შეძლებენ ორგანიზაციის იმიჯის ფორმირებას, მის გაძლიერებას და მისი აღდგენისთვის საჭირო მაკორექტირებელი აქტივობების დაგეგმვა-განხორციელებას;
• შეძლებენ კრიზისების ტიპიდან გამომდინარე ეფექტურად დაგეგმონ შესაბამისი აქტივობები;
• ეცოდინებათ კრიზისული კომუნიკაციების სტრატეგიები;
• შეძლებენ კრიზისული კომუნიკაციის ეფექტური სტრატეგიების და ტაქტიკური აქტივობების შემუშავებას;
• შეძლებენ კრიზისული კომუნიკაციის სამოქმედო გეგმის შემუშავებას;
• ეცოდინებათ და გამოიყენებენ სხვადასხვა ანალიტიკურ/პრაქტიკული ინსტუმენტებს კრიზისით მიყენებული ზიანის შესამცირებლად;
• ეცოდინებათ ეფექტური კომუნიკაციის წარმართვის და ეფექტური გზავნილების შემუშავების ტექნიკა;
• შეძლებენ არგუმენტირებული მსჯელობით წარადგინოს სამიზნე ჯგუფისთვის დაგეგმილი აქტივობები;
• დაიცავენ ეთიკურ სტანდარტებს კრიზისული კომუნიკაციის პროცესში. 

სასწავლო კურსის მოთხოვნები

• დარგობრივი ცოდნა.

ლექტორის შესახებ

• გიორგი კალატოზიშვილი არის რეპუტაციის მართვის კომპანიის „მაინდერი“ დამფუძნებელი და ხელმძღვანელი;
• გიორგი არის ბიზნეს-ტრენერი, საზოგადოებასთან ურთიერთობის სპეციალისტი და კონსულტანტი (სამთავრობო, არასამთავრობო და კერძო სექტორში მუშაობის 20+ წლიანი გამოცდილებით);
• გიორგი არის ერიქსონის საერთაშორისო ინსტიტუტის (Erickson.edu) მიერ სერტიფიცირებული ქოუჩი;
• 2015 წელს დააფუძნა პარტნიორებთან ერთად საქართველოში პირველი ქოუჩინგის კომპანია „გროუინი“, რომლის მმართველი პარტნიორიც იყო 2016 წლამდე;
• იყო PR-ის და მარკეტინგის სამსახურის უფროსი სახელმწიფო სამხედრო სამეცნიერო-ტექნიკურ ცენტრში „დელტა“ (2016-2018 წწ.);
• იყო PR-ის და ბრენდის განვითარების სამსახურის უფროსი გლობალურ საკონსულტაციო კომპანიაში „ACT - ეისითი“ (2014-2015 წწ.);
• 2018 წელს ხელმძღვანელობდა „საქართველოს ნარკოპოლიტიკის ეროვნული პლატფორმის“ (სნეპ) სტრატეგიულ კომუნიკაციებს;
• 2012-2014 წლებში ხელმძღვანელობდა საზოგადოებასთან ურთიერთობის და ინფორმაციული უზრუნველყოფის სამმართველოს შინაგან საქმეთა სამინისტროში; 
• 2011 წლიდან აქტიურად არის ჩართული ფორმალურ და არაფორმალურ სასწავლო პროცესში;
• 2011–2012 წლებში ასწავლიდა საზოგადოებასთან ურთიერთობის საფუძვლებს გორის სასწავლო უნივერსიტეტში, 2016 წელს ასწავლიდა „საჯარო გამოსვლების ხელოვნებას“ შავი ზღვის საერთაშორისო უნივერსიტეტში, 2021 წელს „საზოგადოებასთან ურთიერთობის სტრატეგიას და ტაქტიკას“ საქართველოს უნივერსიტეტში;
• დღემდე მართავს ტრენინგებს და ლექციებს საზოგადოებასთან ურთიერთობის სტრატეგიის და ტაქტიკის, კრიზისების მართვის, მარკეტინგის და ეფექტური კომუნიკაციების თემებზე ისეთ სასწავლებლებსა და ორგანიზაციებში, როგორიც არის: „ილიას სახელმწიფო უნივერსიტეტი“, „კავკასიის უნივერსიტეტი“, „მართვისა და კომუნიკაციის საერთაშორისო სასწავლო უნივერსიტეტი "ალტერბრიჯი“, "ქართულ-ამერიკული უნივერსიტეტი" (GAU), „პიარ სკოლა“ (GAU), „სულხან საბა ორბელიანის უნივერსიტეტი“, "ევროპის ბიზნეს სკოლა" (ESB), პიროვნული ტრანსფორმაციის ცენტრი INTERIORUM. ჩატარებული აქვს 300+ ღია და დახურული ტიპის ტრენინგი და მასტერკლასი საქართველოში, სომხეთსა და აზერბაიჯანში.

სტუდენტის კარიერის პროგრამა

Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ. კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს. კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.

როგორ ვეხმარებით სმარტ აკადემიის სტუდენტებს?

კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს.  მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა. ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას. ჩვენი კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.